Gandhi Sankalp Yantra buatsaih

BJP chuan October 8, Thawh­lehni tlai khan Gandhi Sankalp Yantra pualin Aizawlah kawng an zawh a, Mizoram BJP president Prof. JV Hluna bakah, BJP national general secretary Ram Madhav, Nagaland deputy chief minister Y Patton leh hruaitu dangte'n Mahatma Gandhi limah zahna pangpar an dah.

BJP hotute hian Thawhlehni tlai dar 4:30 khan chief minister Zoramthanga an kâwm a; nimin zing khan Hotel Regency-ah State Executive Meeting an nei. Meeting-ah hian report hrang hrang an pek bakah, resolution pahnih an pass a ni.

Meeting-ah hian BJP national general secretary Ram Madhav chuan, India hmarchhak bialah political party dang leh tlawmngai pawlte'n Indian Constitution-a Article 370 nuaibo a nih avangin Article 371 khawih tel tura an ngai chu a dik lo tih sawiin, "Party inpuhmawhna mai a ni a, Union Home Minister leh Prime Minister pawhin khawih a nih loh tur thu an sawi a ni," a ti.