Vigilance department hnuaiah Lokayukta

Mizoram sorkar chuan Law & Judicial de­partment hnuaia awm ṭhin, eirûk thubuai chungchang chhuitu Lokayukta chu Vigilance department hnuaiah a dah thar.

Vanglaini palai zawhna chhangin Law & Judicial minister TJ Lalnuntluanga chuan, Vigilance department hnuaiah Lokayukta dah a nih tawh thu a sawi a, "Sorkar chuan Lokayukta kaihhnawih department hi a thlak a. Lokayukta tana budget-a pawisa dahte pawh Vigilance department-ah sawn leh mai tur a ni," a ti.

Mizoram sorkar chuan kum 2019-20 budget-ah Lokayukta atan cheng nuai 371 a dah a ni.