Media-te RNTCP workshop neihpui

Kolasib-a Chief Medical Officer pisa chuan nimin khan CMO Conference Hall-ah Kolasib district-a thuthar thehdarhtute pualin Revised National TB Control Programme (RNTCP) workshop an buatsaih a, Kolasib-a media-a thawkte an tel ṭha hle.

Workshop hi Kolasib CMO Dr Hmingthanmawii'n a kaihruai a; thuthar lakhawmtute nen rannung seh (scrub typhus) leh Rota Virus vaccine (RVV) chungchang training an lo neih tawh thu sawiin, a hlawhtling em avangin media-te hnena mipui hriat tur pawimawh zirho chu an zawngchhang thu a sawi.

District TB programme officer Dr RK Lalthlamuana'n RNTCP chungchang a sawifiah a; RNTCP chu Mizoramah March 24, 2003 aṭangin kalpui ṭan a nih thu sawiin, "RNTCP hian a tum chu, TB vei 70% hmuhchhuah leh 85% tal enkawl dam a ni," a ti.

Kolasib district-ah hian nikum chhung khan khâk endik mi 1,106 zinga 154-in TB an vei a, chuap páwn lam TB mi 63 hmuh a ni. Kuminah TB vei mi 152 hmuh chhuah an ni tawh bawk. MDRTB vei mi 38 hmuh an ni tawh a, mi 14 enkawl mekin, mi 13 enkawl dam an ni tawh.