Presbytery inkhawmpui nei mek

Mizoram Presbyterian Kohhrana inkhawmpui lian ber dawttu, Presbytery Inkhawmpui chu October 10, Ningani khan Mizoram chhúng leh páwna Presbytery hrang hrangah ṭan niin, hman mek a ni a, Pathian­ni zanah a ṭiak ang.

Nimin khan niléngin rorel inkhawm neih a ni a, agenda hrang hrang an ngaihtuah a; vawiinah ro­rel chhunzawm a ni ang.

Agenda zingah ram leh khawtlang kaihhnawih thilte pawh a tel a, Presbytery ṭhenkhatah chuan Citi­zenship Amendment Bill chungchang pawh a tel. Mahni presbytery páwn lam khawih thil pawm­te chu Synod Inkhawmpuia ngaihtuah atan kal zel tura tih a ni ang.

Mizoram Synod hnuai­ah hian Mizoram chhung leh páwnah  presbytery 51 a awm mek a ni.