LAD (NEI) inkhawmpui hmang mek

UPC (North East India) kohhrana nu pawl, Ladies Auxiliary Department (LAD) chuan October 10, Ningani zan aṭang khan ASC Home, Khuangpuilam, Kolasib-ah General Conference vawi 41-na an hmang a, Pathianni zanah a ṭiak ang.

Inkhawmpui ṭan zan hian UPC NEI district 12 aṭangin palai an kal kim a, a ṭan zanah palai 3,000 an chuang tawh. Nimin khan conference pandal-ah rorel palai 1,650-te'n ro an rél a, LAD president Lalchangliani Sailo-in a kaihruai. An rorel zing­ah - kum 2020 chhungin Bible chhiar chhuaka inelna buatsaih te, kum 2020 LAD Day ip aṭanga LAD-a sum lutte Shillong Guest House sakna atana dah te, Calvary Bible College ṭanpuina pekte a tel.

LAD inkhawmpuiah hian vawiinah LAD golden jubilee lawm a ni dawn a, tlaiah jubilee ruai ṭheh a ni ang.