Thih chhan chhui chhuah phût

Lunglei Pukpui Village Council chuan thuchhuah siamin, an khaw nu T Lalhlimpuii (40) d/o Lalbiaksiami, a pasal PC Vanlalringa s/o PC Lalhmingthanga, Lungsenin a sawisak vangin a thi nia sawi chungchangah, a thih chhan dik tak chhui chhuak a, rorelna dik tak a thlen ngei an phût thu an tarlang.

Pukpui V/C-te chuan, October 6, 2019-a T Lalhlimpuii thih dan chu Pukpui V/C leh tlawmngai pawl hrang hrangte'n an dem tak zet a, a kalsan tak a fate leh nu leh pa unaute an tawrhpui thu an tarlang a; thihna chungchangah thu belhchian dâwl lo thehdarh a ni chu pawi an tih thu te, T Lalhlimpuii lainata tawrhpuitu mipui leh thu dik a lan chhuah theihna tura theihtawp chhuaha hma latu zawng zawng chung­ah an lawm thute an sawi bawk.