MNF hi Mizo hnam hmahruai tura din a ni - MNF Sr. Vice President

MNF chuan Inrinni khan AMC Ward No. VIII campaign kick off Armed Veng South-ah an buatsaiha an hun hmanpuitu MNF sr. vice president Tawnluia, dy. CM chuan MNF chu Mizo hnam hmahruai tura din a nih thu a sawi.

MNF Sr. Vice President chuan MNF chu 'Pathian leh kan ram tan' titu an nih thu sawiin, "Mizo hnam hmahruai tura din kan ni, thildang chhuang loin Kan Lalpa hming zawk lam zel ang u,” a ti.

Tawnluia sawi danin, Aizawl East-II huam chhungah Mizoram sorkar chuan Aizawl Smart City aṭangin Lammuala Laldenga Cultural Centre cheng nuai 10,000 senna tur te, Aizawl City Centre cheng nuai 3,400 senna tur te, Chite Football Field atan cheng nuai 700/- senna turte leh UDPA aṭangin Armed Veng chunglam leh hnuailam inpawhna tur lei siam nan cheng nuai 150 sanction a nih tawh thu a sawi.

Inkhawmah hian Mizoram sorkara minister pahnih R Lalzirliana leh Robert Romawia Royte-te pawhin thu an sawi. MNF thuchhuah tarlan danin, inkhawmah hian mi 102 MNF-ah lawmluh thar an ni.