Police-in pawisa lem cheng nuai 41 an man

Vairengte Police checkgate-a duty-te chuan September 12, Inrinni zing khan hnamdang pahnih Shalik Ahmed (24) s/o Abdul Sattar leh Kabir Hussain (23) s/o Asaddar, Assam ve ve hnen aṭangin pawisa lem Rs. 41,01,500 an man.

Shalik Ahmed leh Kabir Hussain-te hi Breeza car hmangin Mizoramah an rawn kal a, Vairengte police-te hian an car hi lo endikin, a engine bulah pawisa lem hi an man a ni. Pawisa lem hi Rs. 2000  leh Rs.  500 note a ni. Shalik Ahmed leh Kabir Hussain-te hi thubuai siamsak an ni.