YMA-in ramri an sawiho dawn

October 15-17, 2019 chhunga North Vanlaiphaia YMA General Conference vawi 72-na neih tura agenda zingah ramri chungchang a tel. YMA khawmpui atan hian a thlengtu tur North Vanlai­phai chu an inpeih tawh.

October 15 zanah palai lawm inkhawm buatsaih a ni dawn a, November 16 ah rorel inkhawm neih a ni ang a, rorel palai lo tan intihhlimna hun buatsaih a ni ang. October 17 ah Central YMA hruaitu tur thlan tur a ni a, zanah khawmpui hi a ṭiak dawn a ni.

Tun ṭum khawmpuiah hian kumpuan atan 'Ram leh hnam humhalh'  leh 'Zirna uar' tih sawiho a ni ang.

Khawmpui agenda turte :

 YMA khawih :

•    Mizoram chhunga in sak leh thildangah ṭheka tam ta lutuk hi a hautak em avangin, Central YMA-in hma la rawh se.

•    Mizo mipuite dinhmun leh mawhphurhna inzirtir kawngah Central YMA-in hma la rawh se.

•    All India Service leh central service dangahte Zofate a tam thei ang ber kan luh theih nan Central YMA-in mi bikte 

ṭanpuia chhawmdawl kawngah theihtawp chhuah rawh se.

•    Mizo hnam peng hrang hrangte kan in unau lehzual theih nan a huhoa kut hman theih dan Central YMA-in zawng rawh se.

•    Kumpuan kan neih ṭhin hi kum hnih chhung zel atan puan tawh ni rawh se.

 Sorkar khawih :

•    Assam leh Mizoram ramri chinfel anih theih nan Central YMA-in hma la rawh se.

•    Ramngaw leh nungchate humhalh kawngah sorkarin tun aia nasa zawkin hma la rawh se.