Presbytery inkhawmpui a ṭiak CAB-a hmalak rawtna pawm
October 10, 2019 aṭanga hman ṭan Mizoram Presbyterian Kohhrana inkhawmpui lian ber dawttu, Presbytery Inkhawmpui chu nizan khan a ṭiak. Presbytery pakhatah chuan, Citizenship Amendment Bill (CAB) chungchanga hmalak rawtna pawm a ni.
Khawmpui hi Mizoram chhúng leh páwna Presbytery hrang hrangah hman a ni. Presbytery inkhawmpuiah hian, October 10 chhun khan Nomination Committee, Finance Committee leh Sub-Pastoral Committee-te an ṭhu a, kohhran upa thlan tharte exam buatsaih a ni.
October 11 leh 12 nilengin rorel inkhawm neih a ni a, nimin chawhma inkhawmah upa thlan tharte nemngheh a ni a, chawhnuah Lalpa Zanriah Sakramen leh upa thite sûnna inkhawm neih a ni. Aizawl Central Presbytery, Armed veng North biak-ina neih chuan CAB chungchanga hmalak rawtna an pawm a; kumin December thlaa Synod Inkhawmpuia ngaihtuah turin kal zel tura tih a ni. Mizoram Synod hnuaiah hian tun dinhmunah presbytery 51 a awm mek a ni.