CYMA-in chhiatna tuarte puihna a hlân
July 2, 2019 tlaia BSUP Housing Complex, Durtlang Leitana in chim tuarte chhawmdawlna atana Aizawla YMA branch hrang hrangin Central YMA-a an thawh khawmte chu nimin khan CYMA Committee Room-ah sem a ni a; a vaiin Rs. 6,90,000 a ni.
Chhawmdawlna semna inkhawm hi CYMA president Vanlalruata'n a kaihruai a, ṭanpuina dawng turin chhiat tâwk chhungkuate an kal a ni. CYMA hian mitthi pathum chhungte hnenah Rs. 1,00,000 ṭheuh, hliamte hnenah Rs. 30,000 ṭheuh, bungraw chuh hman lo chhungkuate hnenah Rs. 20,000 ṭheuh an hlân a ni.
Rangvamual leh Edenthar Venga BSUP Housing Complex welfare-te ṭanpuina atan Rangvamual Branch YMA hnenah Rs. 50,000 leh Edenthar Veng Branch YMA hnenah Rs. 1,50,000 an hlân bawk.
CYMA-in Ṭanpuina a pek dan MITTHI
1. Sainghinglovi w/o V Lalrodawnga Rs. 1,00,000
2. Lalnunfeli d/o Lalngaihliani Rs. 1,00,000
3. Lalpeksanga s/o Lalchuailova Rs. 1,00,000
HLIAM
1. Lalrohlua s/o Lalrodawnga Rs. 30,000
2. Lalrinkimi d/o Lalrodawnga Rs. 30,000
3. Lalchuailova f/o Lalpeksanga (L) Rs. 30,000
BUNGRAW CHUH HMAN LO
1. C Lianneihkimi Rs. 20,000
2. Tuahchhingi Rs. 20,000
3. D Vari Rs. 20,000
4. Lalthanzami Rs. 20,000
5. Lalramngheti Rs. 20,000