YMA conference ṭan dawn

YMA General Conference vawi 72-na chu zanin hian North Vanlaiphai khelmuala pandal sak, Chhura Rúnah ṭan a ni dawn a, vawiin hian palaite'n N. Vanlaiphai an pan ang.

Tun ṭum YMA General Conference-ah hian kum 2019-2021 chhunga Central YMA office bearer tur thlan a nih dawn bakah, rorel a ni dawn a; agenda zingah YMA khawih chi nga leh sorkar khawih thil chi hnih a awm. Kumpuan atan rawtna pahnih a awm a, chungte chu 'Ram leh hnam humhalh' tih leh 'Zirna uar' tihte a ni a; kum 2021 General Conference thlen diltu khaw pali an awm bawk.