Catholic ṭhalai inkhawmpui a ṭiak

October 10, 2019 aṭanga Assisi High School Ground, Mamita ṭan Diocese Catholic Ṭhalai Pawl (DCTP) inkhawmpui chu October 13, Pathianni khan a ṭiak. Inkhawmpuiah hian Mizoram páwn Tripura aṭang pawhin palai an kal.Inkhawmpui chhung hian tûk tin mass inkhawma ṭan ṭhin a ni a, chawhnu leh zanah thupui sawina hun leh fellowship neih ṭhin a ni. Inkhawmpui palai kal zawng zawngte'n thutiam ‘environment pledge’ an nei a, ramngaw humhalh a, thingte remchang anga phun a, nungcha tinrengte duat taka enkawl turin an intiam.

DCTP inkhawmpui puala social work neihah Mamit District Jail-a mipa leh hmeichhe ward tan television an pe a, Mamit Chhimveng YMA Hall-ah free clinic buatsaihin, mi 800 chuang an inentir bawk a ni.