YMA General Conference ṭan a ni

YMA General Conference vawi 72-na chu nizan khan North Vanlaiphaia Chhura Rûn (pandal)-ah ṭan a ni a, palai ṭhahnem tak an thleng tawh.

Nizan khan palai lawmna inkhawm neih a ni a, Hrangturzo bialtu MLA Lal­chamliana, Home minister-in hmanpuiin thu a sawi. Central YMA vice president R Lalngheta’n souvenir a tlangzarh a, CYMA general secretary Lalhma­chhuana’n Annual Report a pe a, finance secretary Fabian Lalfakawma'n Finance Report a pe thung. Ramngaw leh nungcha humhalh ṭha, tuihna humhalh ṭha, YMA branch chanchinbu ṭha leh YMA Chanchinbu la ṭha lawmmante sem a ni bawk.

Vawiin hian chawhma dar 11 aṭangin pandal-ah rorel inkhawm neih a ni dawn a, rorel palaite'n ro an rèl hlànin N. Vanlaiphai Community Hall-ah variety programme hman a ni ang a; zanah vantlang inkhawm neih a ni ang. Naktukah kum 2019-2021 chhunga CYMA office bearer turte thlan tur a ni.