Aizawl DC hoin hunpui boruak thlirlet

Nimin khan Aizawl bawrhsap Vanlalngaihsaka hoin DC Conference Hall-ah Krismas leh kumthar vuakvêta Aizawl district-a dan leh thupek kenkawh dan thlirletna hun hman a ni a; hunpui chhunga boruak muanawm tak a awm theihna tura police leh magistrate duty-te aṭangin report ngaihthlak a ni.

Aizawl DC Vanlalngaihsaka chuan, mipuiin Krismas leh kumthar hlim leh thlamuang taka an hman theih nan magistrate leh police-te chu chhungkua, khaw­tlang leh kohhrana an chanvo leh mawhphurhnate kalsana rinawm leh ngawrh taka an duty thu a sawi a, "Police-te report danin, rûkrûk, rui leh buaina siam rin ai takin an awm lo a, a lawmawm hle a ni," a ti.

Bawrhsap chuan, "Sorkarin hâlpuah a khap avangin mipuiin sorkar thupek an zawm ngei theihna turin dan leh thupek kengkawhtute'n theihtawp an chhuah a, Aizawl hmun ṭhen­khatah hâlpuah hâl chu awm mah se, kum dang aiin boruak a ziaawm hret hret a ni," a ti a; khap loh ai chuan khap avangin mipui an fimkhur phaha hriat a nih thu a sawi. Aizawl DC hian mipuiin hunpui hlim leh him taka an hman theihna tura theihtawp chhuahtu magistrate, police, khawtlang duty, IPR department leh media-te chungah lawmthu a sawi a ni.