PMGSY chungchang sawiho

Chief minister Zoramthanga hoin October 15, Thawhlehni khan CMO Cabinet Meeting Room-ah Pradhan Mantri Gram Sadak Yojana (PMGSY) chungchang ngaih­tuah­in a kaihhnawih sorkar hotute an ṭhukhawm.

Meeting-ah hian Ministry of Rural Development hnuaia PMGSY kalpui­naa thuneitu ber National Rural Roads Development Agency (NRRDA) inkaih­hruaina anga general body leh executive body kalpui tur a nih thu te, NRRDA-in hnathawh dan tur kalphung operations manual a siam anga fel taka hmalak zel chungchangte an sawiho a; hna ṭha taka thawh a nih theih nan tender koh chungchangah uluk zawka ruahmanna siam ni se, an ti.

Meeting-ah hian adviser to chief minister C Lalramzauva, General Body member secretary JC Ramthanga, Planning Board vice chairman H Rammawi leh member dangte an tel a ni.