World Food Day hman a ni

Nimin kha World Food Day a ni a, Mizoramah pawh hmun hrang hrangah hman niin, Aizawlah chuan Agriculture (Crop Hus­bandry) bultumin Agriculture directorate conference hall-ah hman a ni.

Kumina World Food Day thupui chu ‘Our actions are our future: Healthy diets for a zero hunger world’ tih a ni a; Aizawla hmannaah hian kut hnathawktute leh zirlaite an tel. Women & Child Development director Vanlalpianpuii'n 'Healthy diets' tih thupui a sawi a, Agriculture department-a assistant plant protection officer R Vanlalchhuanga'n 'Food security to achieve zero hunger world' tih thupui a sawi thung.

Khuallian Rohming­thanga Colney, Agricul­ture (Crop Husbandry) director chuan, World Food Day chu kum tin hman ṭhin a ni tih sawiin, "Kumina thupui, 'Vawiina kan hmalakna hi naktuka kan dinhmun tur a ni: Khawvela ṭàmpui mitthi awm lohna turin ei tur hrisel' tih hi theihtawpa kan kalpui a ṭul," a ti.