Minister-in Panchayati Raj Secy. a kâwm

Minister of state K Lalrinliana chuan October 15, Thawhlehni khan sorkar laipuia Panchayati Raj secretary Amarjeet Sinha chu New Delhi-a a pisaah a kâwm a; Mizoram village council inrêlbàwl dan leh state sorkarin thuam chak a tum dante a hrilh.

K Lalrinliana chuan,14th Finance Commission hnuaiah Mizorama V/C-te tan sorkar laipui aṭangin grant an dawn ve loh thu sawiin, chumi aia dawn excluded area fund chu a tlem tham a, state dangte nena tehkhinin lungawithlak loh a tih thu a sawi. V/C-te chu thingtlanga hmasawnna bulthûm khawihtu ber an nihna avangin, development grant pek belh a dil a, 15th Finance Commission recommendation-ah telh ve ngei tawh turin a ngen bawk.

Amarjeet Sinha chuan, Mizoram dinhmun a hriatthiampui thu a sawi a; excluded area grant a awm belh theih dan tur a lo zir chian tur thu leh, 15th Finance Commission recommendation-a Mizoram an tel ve theih nan hma a lakpui tur thu a sawi a ni.