MADC MDC by-election tur inhrilhfiah

Siaha district election officer (DEO) Bhupesh Chaudhary, district bawrhsap chuan nimin khan a pisaah thuthar thehdarhtute a kâwm a; Mara Autonomous District Council (MADC)-a bial pakhat, Tokalo constituency-a by-election neih tur chungchang a hrilhfiah.

District Bawrhsap chuan, media-te'n kawng engkima sorkar an ṭawiawm ṭhinna­ah lawmthu sawiin, Tokalo biala MDC by-election neih turah pawh inthlanna dik, thianghlim leh zalen a awm theih nan thawhpuiah a sáwm a ni.

State Election Commission ruahman dan chuan, MADC-a MDC by-election neih hun tur chu October 30, 2019 a ni a, zing dar 7 aṭanga tlai dar 4 inkarah vote thlak a ni ang. He in­thlan atan hian nimin khan SEC chuan notifi­cation a chhuah a; October 21 thleng hming pek luh theih niin, nomination-te chu October 21-ah vek endik a ni ang a, inhnukdawk duhte tan October 22 tlai dar 3 thleng hun hawn a ni ang.