MYC Chairman-in National Bee Board a dàwr

Mizoram Youth Commission (MYC) chairman Dr Vanlalṭanpuia chuan October 17, Ningani khan New Delhi-ah Ministry of Ag­­ricultural & Farmers Welfare hnuaia National Bee Board hotute a dàwr a; Lunglei district-a bee keeping farm (khuai khawi­­na) changtlung tak din­na turin inremna an siam.

Dr Vanlalṭanpuia hian Agriculture secretary leh National Bee Board chairman Sanjay Aggarwal leh National Bee Board executive director Dr BL Sarswat te a kâwm a; MYC Chiarman chuan, "Ṭhalaite'n eizawnna ṭha zawk an neih theih nan te, eibâr dapna hmunpui siam nan te, rural liveli­hood tihchangtlun a nih theih nan theihtawpa hmalak a ṭul tawh a ni," a ti.

National Bee Board hotute chuan, Mizoramah rawn kal a, a rang thei ang bera hmalak ṭan a nih theih nan rang taka bawhzui an duh thu an sawi bawk.