Christian apologetics seminar

Central KṬP leh Campus Ministry, Mizoram Synod chuan nimin khan Mission Veng Kohhran Hall-ah Christian Apologetics Seminar an buatsaih. Seminar-ah hian Aizawla KṬP branch tin aṭangin aiawh pakhat leh Aizawl pawna pastor bial tin aṭangin aiawh pakhat ṭheuh tel tura sàwm an ni a, mi 350 vel an tel.

Chawhma hun chu Synod executive secretary (Campus Ministry) Rev. B Sangthanga'n a kaihruai a, Aizawl Theological College-a associate professor Rev. Rosiamliana Tochhawng paper 'Pathian awm rin lohna - Kristian ṭhalaite tana chona' tih zirho a ni. Chawhnu lam inkhawm chu Central KṬP leader Rev.Dr K Lallawmzuala’n a kaihruai a, Dr Laldinliana Varte-in Christian apologetics chungchanga paper a buatsaih zirho a ni. Zawhna leh chhanna hun hman a ni bawk.