Republic Day lawm a ni dawn

Vawiin, January 26 hi Republic Day a ni a, India ram pumah hman a ni dawn. Mizoramah pawh district headquarters tin bakah, khua/hmun dang ṭhenkhatah hman a ni dawn a, a lawmna pui ber, Aizawlah chuan Lammualah hman a ni ang.

Aizawla Republic Day lawmna chu zing dar 8-ah Governor PS Sreedharan Pillai-a'n hnam puanzar a pawt parh ang a, Republic Day thuchah a sawi ang. Chumi hnuah national/state award-te a sem dawn a, parade contingent-te hnenah lawmman  a sem dawn bawk. Lammuala Republic Day lawmna hi DDK, Aizawl leh ZONET Cable TV chuan live-in an pe chhuak dawn a ni.

Zing ni chhuah rualin sorkar inah hnam puanzar zàr a ni dawn a; sorkar chuan sakhaw hrang hrangte chu India ram leh mipui tana ṭawngṭai turin a ngen a ni.

Kum danga tih tawh ṭhin angin kuminah pawh Republic Day pualin hmun hrang hrangah token gift hlan a ni bawk.