MNF OB leh candidate-te an inkâwm

MNF party elected office bearer-te leh Aizawl Municipal Corporation inthlana an candidate-te chu nimin khan an pisa, Mizo Hnam Rûnah an inhmu khawm a; an candidate-te an tel kim a, AMC inthlan tur an thlirho.

Inkawmhonaah hian MNF elected office bearer pathum - vice president Vanlalzawma leh Lalthlengliana leh treasurer K Vanlalauva an tel a; Lalthlengliana chuan, an party chu 'Pathian leh kan ram tan' titute an nih thu sawiin, zàm lo a, mi tin ban phâka awm tur leh inpe taka theihtawp chhuah turin an candidate-te a chah.

Lalthlengliana chuan, MNF-ah headquarters-a mi te, block leh unit hruaitute leh leh an party mi leh sa zawng zawng chu an theihna zâwn ṭheuhah theihtawp chhuaha ṭang mar reng turin a chah a; "Pathian leh mipui zárah AMC inthlan lo awm turah hian MNF candidate-te an tling ngei ang," a ti.