BSF-in rálthuam an man

Border Security Force (BSF) 61st Batallion, F Company-te chuan December 2019 khan Arakan Liberation Army-te ta ni ngeia ngaih ralthuam tam tham tak leh sipaite'n an hman ṭhin hmanrua eng emaw zat an man. Rálthuam man kaihhnawihah hian Vaseikai Police Station-ah thubuai ziah luh a ni.

BSF-te'n ralthuam an mante chu - America siam M-16 paruk, AK-56 rifle pahnih, AK-47 rifle pakhat, G-3 rifle pakhat, 9mm pistol, magazine panga, silai mû 954, grenade pariat, bomb kép pali leh electric kep pali, America siam bomb kam chi pahnih, entlang phir pakhat, entlang pakhat, sipai form ṭhui sa leh ṭhui loh, compass, video ca­mera leh thil dangte a ni. Sipai uniform an manah leh lukhumah Arakan Li­beration Army chhinchhiah­na a awm a; thawmhnaw 

ṭhenkhat chu Thailand lam kutchhuak nia ngaih a ni.