PTS-a police training zote thlah
Nimin khan Mizoram police-a assistant sub-inspector (ASI), senior under officer leh junior under officer, Police Training School (PTS), Thenzawla training zo mi 205-te thlahna hun PTS-ah buatsaih a ni.
Training zo thlahna hun hmasa, chawhma dar 10-ah ASI (Ministerial) basic training zo mi panga thlahna, passing out parade chu PTS Magazine Guard tualah neih a ni a, ASI basic training zote hi PTS principal HL Thangzuala'n rinawmna thu a tiamtir. ASI (Ministerial)-te basic training hian chawlhkar 12 chhung a awh.
Chhun dar 12-ah khan PTS Conference Hall-ah senior under officer batch 20-na training zo mi 95 leh junior officer cadre batch 21-na training zo mi 105 thlahna hun veledictory function hman a ni a; inkhawm hi PTS assistant principal Saidingliana Sailo-in kaihruaiin, principal HL Thangzuala'n training-a ti ṭhate hnenah lawmman a hlan a ni.