PAHOSS-ah dilna 1,230 a lût tawh

Parking House Support Scheme (PAHOSS) Executive Committee chu nimin khan chief secretary pisa conference hall-ah an ṭhu a, chief secretary Lalnunmawia Chuaungo-in a kaihruai. PAHOSS hnuaiah parking house siamna tur ṭanpui dilna 1,230 a lut tawh a, chu'ng zinga 879 chu a hmunah endik a ni tawh tih an tarlang.

Ṭhutkhawmnaah hian PAHOSS hnuaia Aizawl khawpuia parking house siam­na tura dilna lut te, verification team-in a hmun­a an endik tawhte thlirho a ni a; tun ṭumah hian dilna Aizawl north aṭangin 70, Aizawl south aṭangin 132, Aizawl east aṭangin 42 leh Aizawl west aṭangin 60 a lut a ni.

PAHOSS kalpui ṭan a nih aṭang­in dilna 1,230 a lut tawh a, chu'ng zinga 879 chu a hmun­ah endik tawh a ni a, tunah dilna 351 endik leh mek a ni. Endiktu verification team-te'n chawlkar tin Nilaini leh Ningani apiangin diltute awmna hmunah an endik ṭhin.

PAHOSS hnuaiah hian ṭanpuina dawng turin mi 140 thlan chhuah tawh a ni a, Mizoram sorkar chuan cheng nuai 2,154 a pe chhuak tawh a ni.