FCSCA Minister-in IOC hotute a kâwm

Food, Civil Supplies and Consumer Affairs (FCSCA) minister K Lalrinliana chuan nimin khan a pisaah Indian Oil Corporation Ltd. (IOC) hotute a kâwm a; Mizorama gas bottling plant leh oil depot thar siamna tura ram chungchang leh eirawngbawlna gas hnianghnar zawka mipuiin an neih theih dan tur a sawipui.

Inkawmnaah hian IOC aṭangin chief manager (LPG engineering) Rajib Barai leh deputy general manager (Operations) NC Borah te an tel a; gas bottling plant leh oil depot thar siam chungchangah, a siamna tur ram vawiin hian enho an rél. Mizorama gas harsatna awm ṭhin chung­chang leh a pumpelh dan tur te, Aizawla gas agent dah belh dan turte an sawi bawk.

IOC hotute chuan, Mizorama gas harsatna thleng ṭhin chu an lo en chian leh zual tur thu leh, gas consumer awm dan azirin agency dah belh turin hma an lak tur thu an sawi a ni.