Inremna ziak

Kristian Ṭhalai Pawl (KṬP)-in Falkland Veng, Aizawla Youth Recreation Centre (YRC) din a tum meka Convention Centre sakna turin Central KṬP leh Lushai Engineers chuan nimin khan CKṬP Office-ah inremna an ziak. 

KṬP aiawhin CKṬP leader Rev.Dr K Lal­lawmzuala leh general secretary T.Upa Rochung­nunga ten hming an ziak a, Lushai Engineers aiawhin director Lal­biaksanga'n hming a ziak. Convention Centre sakna atana sum ruahman chu cheng nuai 200 a ni a, kum hnih chhunga sak zawh tura tih a ni.