SCMI, ATC Unit jubilee lawm

Student Christian Movement of India (SCMI), ATC Unit chuan nimin khan ATC Quadrangle-ah an din champha kum 50-na, golden jubilee an lawm.

 ATC-a mite bakah, SCMI National head­quarters, Bangalore-a regional programme secretary Chongloi te, ATC Unit hruaitu ni tawh te, AICS leh Mizoram Theological College aṭangin mi ṭhahnem tak an tel. 

Chawhma inkhawm chu SCMI ATC Unit president Lalhruaitluanga'n a kaihruai a; khuallian Rev.Dr Vanlalnghaka Ralte, ATC principal chuan, SCMI rawngbawlna hlutzia sawiin, mi tam takte tana malsawmna an lo nih ṭhin tawhnate leh ram leh hnam tan thawk chhunzawm zel turin a chah. Jubilee speaker Rev. Rosiamliana Tochhawng, ATC associate proffessor-in jubilee thupui 'Lawm chung­a Lalpa rawngbawl' tih a sawi. Inkhawm zawhah ATC Chapel tualah jubilee dár vuak a ni.

Chawhnu lamah ATC Chapel-ah inkhawm a ni a, ATC registrar Rev.Dr Tlanghmingthanga'n a kaihruai a, Rev.Dr LH Rawsea'n thuchah a sawi. Tlaiah jubilee lawmna ruai an ṭheh bawk.