Zophaia mosque sak MPC-in an helh

Mizoram Peoples' Conference (MPC) party chuan thuchhuah siamin, Bairabi Zophaia dan loa Mosolman biak-in (mosque) sak lai titawp tura hriattir tawh hnua tun hnaia an sak chhunzawm chu an helh thu an tarlang a; titawp leh nghal tura rang taka hma la turin Mizoram sorkar an phût.

MPC thuchhuah chuan, "Mosque sak tàwpsan tura sorkar thuneitute'n an tih, hun eng emaw chen an chawlhsan hnuah, Mizoram sorkarin bawhzuina ṭha tâwk nei loa a thlahthlam vanga ngaihngam taka an sa chhunzawm leh thei mai hi kan helh hle. Dan loa Mosolman biak-in sak chhunzawm leh mek hi a rang thei ang bera tàwptír tura hma la nghal turin Mizoram sorkar kan phût a ni," a ti.

MPC party hian, Bairabi Zophaia zirlaite'n chawlhbuk sak tuma hma an lakna Assam sor­karin silai hmanga a dodal ngam angin, Mizoram sorkar chu Zophaia dan loa Mosolman biak-in sak kal mek chu dodal ve ngei turin an phût tih an puang a ni.