Vigilance Awareness Week hman a ni

Vigilance department buatsaihin nimin khan Secretariat building tualah 'Vigilance Awareness Week 2019' pualin thutiam sawi rualna hun hman a ni a; chief secretary Lalnunmawia Chuaungo kaihhruaiin sorkar hnathawkte'n thutiam an chham.

Vigilance Awareness Week hi kum tin Sardar Vallabhai Patel pian champha pualin October 28 aṭanga November 2 inkarah hman ṭhin a ni a; kumina Week thupui chu 'Integrity: A way of life' (Rinawmna - nunphunga neih) tih a ni.

Vigilance Awareness Week-ah hian mipui, a bikin ṭhalaite hnenah rinawm taka hna thawh a pawimawhzia te, inthliar hranna leh hlemhlêtna laka inthiar fihlim chunga khawtlang nun siam ṭhat pawimawhziate inzirtirna hun hman a ni ṭhin.