Power & Electricity department corperation/ privatise tum a ni

Mizoram sorkar chuan Power & Electricty department chu mimal kuta hlan (privatise) emaw, corperation-a leh emaw a tum. Public Health Engineering (PHE) department pawh a theih chin chinah mimal kuta hlan a tum bawk.

February 19, 2020-a Assembly budget session-a Mizoram budget pharh zawha thuthar thehdarhtute a kawmnaah chief minister Zoramthanga chuan zawhna chhangin, P&E department chu sorkar laipuiin corperation-a let turin state-te a nawr tawh thu a sawi a, "State pathum/paliin kan la tihlawhtling lo. Chuvangin, P&E department hi corporation-a leh emaw, privatise emaw ngei ngei a ngai zawk a ni," a ti.

Zoramthanga chuan, PHE department pawh a theih chin chin privatise tum a nih thu sawiin, "Department pumin a theih loh a nih pawhin, khawi emaw laiah theih a awm em tih zawn a ṭul," a ti a; corperation/privatisation chuan sorkar sum tam tak a hum theih tur thu a sawi.

February 14, 2020-a Chief Minister hoa Council of Minister ṭhukhawm chuan, P&E leh PHE department-in mipui rawngbawl hna ṭha zawka an thawh theih nan hma la turin department pahnihah task force din rawtna a lo pawm tawh a ni.