KHAWTHLIR

DPAR changtu deputy chief minister Tawnluia chuan Assembly session-ah ZPM member Lalduhoma zawhna 

ziaka chhangin, Mizoram Subordinate Service Selection Board (MSSSB) chu June 18, 2019 khan notification hmanga din a nih thu a tarlang a, "Chairman leh member-te ruat tura hmalak mek a ni," a ti.

MHIP, Tlabung Branch chuan nimin khan faina hnatlang an nei a, an khaw chhunga van­tlang hmunte an tifai. Hnatlang­ah hian MHIP member 30 chuang an thawk chhuak a ni.

Higher & Technical Education minister Dr R Lalthangliana chuan Assembly session-ah INC member Lalrindika zawhna ziaka chhang-in, Mizoram University Southern Campus, Lungleia dinna turin Pukpui V/C-in ram acre 100-a zau an pe (offer) tih a tarlang a, "A hmun enfiah hnuah tihchian tur a ni ang. Kum 2020-21 session-a ṭan hman turin chak taka hmalak a ni a, building-te a awm sa loh avangin Mizoram Engineering College building hman lailâwk beisei a ni," a ti.

Zomi Cultural Society huaihawtin nimin khan Bawngkawn Chhimvenga Cultural Centre-ah 'Zomi Nam Ni' (Zomi National Day) vawi 72-na lawm a ni a, Hmar Inpui president J Lal­chhanhima khuallian a ni a, Zomi tribe recognition dil mekah Mizoram sorkarin a ṭul ang angah hma a lak thu a sawi. Zomi Nam Ni hi 

Panglong Agreement 1948 puala hman a ni

ṭhin a ni.

Assembly session neih mekah Agriculture minister C Lalrinsanga chuan ZPM member Lalduhoma zawhna ziaka chhangin, kum 2019-20 atan Agriculture department hnuaiah All Weather Agriculture Link Roads siamna tur sum dah (allocate) a nih loh thu leh, chuvang 

chuan link road siam tur­in hmalakna a awm loh thu leh sum a neih huna hmalak thuai a nih theih nan department chuan district tina agriculture link road-te dinhmun an endik a, siam ngai lai leh thawm ṭhat ngai laite an enfiah vek tawh thu a tarlang.