MYC member tharte an ṭhukhawm

Mizoram Youth Commission (MYC) member ruat tharte chu October 28, Thawhṭanni khan MYC chairman Dr Vanlalṭanpuia, MLA hoin a pisaah an ṭhukhawm a; road map leh action plan bakah, policy thar chungchangte an ngaihtuah.

MYC Chairman chuan, MYC hotu kal tawhte hnathawh lawmawm a tih thu leh fakawm a tih thu sawiin, "Tun hmain MYC chuan hmalakna tur policy a la neih ngai loh avangin incumbent interest zûlzuia kalpui a ni deuh ber a, tun aṭang erawh chuan hmalakna tur policy mumal tak duan a, felfai taka a kal zel theih nan guiding framework neih a ngai. Chuvangin, MYC member ṭhutkhawmna hian MYC hmathlir thlak danglamin, Mizo ṭhalaite chu remchang ṭha leh tam zawk a pe chhuak thei dawn a ni," a ti.

Meeting-ah hian MYC member atana ruat tharte an tel kim a; kum hmasa lama MYC Incentive Cash Award lo sem tawh chu kuminah pawh sem hman ngei turin hmalak zui nghal turin an rél a ni.