MHA-in inkhawmpui an hmang

Mizo History Association (MHA) chuan nimin khan Pachhunga University College (PUC)-ah Annual Conference cum Seminar an hmang a, PUC principal Dr Tawnenga'n a hmanpui.

Inkhawm hi MHA president Prof. Sangkima'n a kaihruai a; Dr Tawnenga chuan, MHA chu Mizoramah chuan academic association upa ber nia a hriat thu sawiin, "Mizo khawtlangah historian-te hi in ṭangkai hle a, veng tinah paràwn kai deuhte hi history lam hria leh ngaihven an ni tlangpui. Mizo history chhuina kawngah kan historian-te in pawimawh a, kan innghahna in ni a, innghahna tlak ni zel turin ka ngen a che u," a ti.

Dr Tawnenga hian MHA journal, 'Historical Journal Mizoram Vol-XX' a tlangzarh nghal a ni.