Graduation Model khârna hun hmang

World Vision India chuan October 28, Thawhṭanni khan Lawngtlaia Central YLA Hall-ah Chhimtuipui Area Development Programme (CADP) hnuaia mi retheite chawikânna tura hmalakna, 'Graduation Model' kum thum chhunga kalpui khârna leh a ti ṭhate chawimawina, Graduation Day an hmang a, Lawngtlai East bialtu MLA H Biakzauva'n a hmanpui.

World Vision India, Chhimtuipui Area Development Programme hian kum 2015 tàwp lam aṭangin Graduation Model an kalpui ṭan a, batch khat chu kum hnih awh tura ruahman a ni. Kum 2015 aṭangin batch thum an awm tawh a, batch khatah mi rethei dâwmkân ngai chhungkaw 150 zel thlan niin, chhungkaw 450-te tan ei zawnna bul ṭanna tur an ngaihtuahsak tawh a ni.