Sports Minister-in khelmual a tlawh

Sports & Youth Services minister Robert Romawia Royte chuan nimin khan Siaha District Sports Committee(SDSC) leh Siaha District Football Association (SDFA)-te ngenna angin, Siahaa Meisatla khelmuala phùl lem phahna tura buatsaih mek a tlawh.

SDSC leh SDFA hruaitute chuan, Meisatla khelmuala phûl lem phahna tura buatsaih hna thawh chuan duhthu a sàm loh thu Minister hnenah an thlen a; Robert Romawia chuan, Aizawl a thlen hunah Deputy Chief Minister hnenah khelmual dinhmun a sawipui tur thu a hrilh.

Sorkar thuchhuah tarlan danin, Meisatla khelmuala phûl lem phah nan hian cheng nuai 600 rua­hman niin, UDPA hnuaia thawh a ni a, hna thawktu contractor Great Sports Infra Ltd., Hyderabad-in hun rei tak an chawlhsan tawh a ni.