Minister-in MPTA jubilee a hmanpui

Minister of state K Lalrinliana chuan nimin khan Mizoram Primary Teachers' Association (MPTA), Kolasib Branch-in diamond jubilee an lawmna a hmanpui. inkhawm bânah jubilee ruai an ṭheh a ni.

K Lalrinliana chuan, MPTA, Kolasib branch-in diamond jubilee a thleng thei chu a lawmpui thu a sawi a; Mizoramin ram ṭha, sik leh sa nuam takin a nei chunga ei leh bara a intodelh lo chu veiawm a tih thu sawiin, "Ram leh hnam intodelh ni turin zirtirtute'n kawng pawimawh takah ke an pên thei a, leilung hausakna hâi chhuak zawng leh intodelhna lam hawia zirlai naupangte sûkthlêk her remsak a, mi puitlinga chher chhuak tura kan ṭan a ngai a ni," a ti.

Minister chuan, zirna chu awmze nei taka kalpui a pawimawh thu sawiin, "Zirlaibu thiam­na ringawt ni lo, mahni zirlai a tak taka thiama nunpui turin ngaihtuahna sen a ngai," a ti a; zirlaite hnenah intodelhna chung­chang uar taka zirtir turin zirtirtute chu a chah a ni. MPTA, Kolasib branch hi kum 1959-a din a ni a, member 41 an awm mek a ni.