Khauh zawka ILP pe turin ngen

Mizoram Merchants Association (MIMA) hruaitute chuan October 29, Thawhlehni khan Aizawl DC Vanlal­ngaih­­saka chu a pisaah an kawm a, Inner Line Permit (ILP) pek chhuah dan sawipuiin, khauh zawk leh khirh zawka ILP pe chhuak turin an ngen.

MIMA hruaitute hian Aizawl Bawrhsap chu, ILP sponsor-tu nihna kimchang (identity) leh biakpawh theihna tur (contact) an hman lai ngei tihlan ni se an duh thu te, ILP dilna chu kut ziak ni loin, computerise an duh thute an hrilh. Bawrhsap pawhin, MIMA rawtna leh harsatna sawite chu lo ennawn a, a ṭul anga hmalak a nih tur thu a lo hrilh a ni.

MIMA chuan, Aizawl khawpuia hnam dang dawr neite an zawng chhuak mek a, hnam dang dawrte chu an ILP ang ni loa hna thawk an nih leh nih loh endik vek an tum thu an tarlang.