Sorkar sum eirûk vangin Court-in táng turin hrem

Sorkar sum Rs. 1,37,100 tichingpena puh police sub-inspector (mi­nis­terial) Sumeon-a chu Special Court (Preven­tion of Corruption Act) judge Thanglian Mang Guite chuan kum 3 leh thla 6 chhung jail-a táng tur leh Rs. 30,000 chawi turin a hrem.

Sumeon-a hi 2nd IR battalion head­quarters, Khawzawla cashier hna a thawh laiin medical reimbursement bill Rs. 1,37,100 tichingpena puh a ni a; a lakah hian Anti Cor­ruption Bureau (ACB) chuan September 11, 2015 khan thubuai an ziak lut a ni.

Special Court chuan ACB thil chhuina, thu­buai neitu thusawi leh thuhretute thusawi a zir chian hnuah nimin khan thutlukna a siam a; Sumeon-a chu kum 6 leh thla 6 chhung jail-a táng tur leh Rs. 30,000 chawi turin a hrem ta a ni.