HM-in Champhai Jail a tlawh

Home minister Lalchamliana chuan nimin zing khan Champhai District Jail a tlawh a, Jail superintendent Zosangliana leh a thawhpuite'n lo dawngsawngin, Jail chhung an fanpui a, an dinhmun leh mamawhte an lo hrilh.

Home Minister chuan, sorkar rua­hmannain jail chu insiamṭhatna hmun, tángte'n a theih chin chinah thiam thil an zir leh eizawnna ngêlnghet an neih theihna tur lamhawia kalpui tura ngaihtuahna sên a nih thu a sawi a, "Mizoram hmun hrang hranga jail dinhmun leh mamawhte sorkarin a hria a, a ṭul ang zela bawhzui a ni ang," a ti.

Lalchamliana hian jail-a táng mek­te chu nun pangngai tak an neih leh theihna turin inenfiah a, insiamṭhat tum tur leh khawtlang leh ram tana ṭangkai leh chhawrnahawm tak nih tum turin a chah a; jail tángte ruaiṭhehna atan Superintendent kutah pawisa a hlan nghal.

Home Minister hi Champhai DC Alexander V Chongthu, additional SP Francis Lalnuntluanga Ralte leh sorkar official dangte'n an ṭawiawm a ni.