YMA tan ruihhlo do training buatsaih

Mizoram Social Defence & Rehabilitation Board, Social Welfare &Tribal Affairs, Social Welfare department, Central YMA leh LiFCoDe-te chuan nimin khan Aijal Club-ah ruihhlo do dan tur sawihona, 'Capacity building training programme for YMA on drug abuse prevention' an buatsaih a; Social Welfare minister Dr K Beichhua'n a hawng.

Training hi YMA branch hrang hrang hruaitute tana buatsaih a ni a, YMA branch hruaitu 625-te chu hlawm 13-ah ṭhenin, a inchhâwkin training neihpui an ni. Ruihhlo vanga Mizoramin harsatna a tawh hrang hrangte leh ruihhlo la ti lote venhim a pawimawhzia leh venhimna kawnga hmalak dan turte zirho ṭhin a ni.

Nimina training-ah hian Social Welfare minister Dr K Beichhua'n thu a sawi bakah, Social Welfare & Tribal Affairs director Dr Ankita Chakravarty leh CYMA president Van­lalruata te pawhin thu an sawi.