MPF-in sum leh therhlo Hmang lo turin an ngen

Mizoram Peoples Forum (MPF) hruaitute nimina Synod Music Room-a ṭhukhawm chuan, Aizawl Municipal Corporation (AMC) inthlan awm tur an thlirho a, sum leh therhlo sem lo turin political party tin an ngen.

Ṭhutkhawmah hian, sum leh therhlo sem chungchang chu MPF-in a ngai pawimawh hle tih tarlan a ni a, "Election danin a phal loh thil a nih avang leh thawhhona thuthlung­ah pawh a awm avangin party tinte ti lo turin kan ngen nawn leh a ni," an ti.

Meeting-a tarlan danin, house to house campaign neih theih a ni a, candidate chu mi pali aia tam loin an zui thei ang a, lirthei pathum aia tam ken loh tur a ni. Compound/ in chhunga luh phal lohte chu luh luih tum lo turin cam­paigner-te beisei a ni a; MPF leh political party-te thawhhona thuthlung angin, party worker-te can­didate tel loa house to house campaign khap a ni bawk.

Election hotute ngen­na angin AMC inthlanna hmunah MPF hmalaknain common election camp siam a ni dawn. Hmai tuamna vuah endik, physi­cal distancing enfiah bakah, kum upa lam leh taksaa harsatna neite chu an thlen veleha vote thlak nghal tura buaipuite chu MPF kutah a awm dawn a ni.