COVID-19: Mizoram dinhmun Hripui vei mi 3 hmuh belh a ni

January 26, Thawh­lehni khan Mizoramah Covid-19 vei mi pathum hmuh chhuah a ni a, an zingah Mizoram chhunga kái leh natna (symptom) lang chhuak pakhat a awm. Nimin khan hripui laka fihlîm tawh mi pathum chhuahtir an ni.

Covid-19 vei hmuh thar pathumte chu ZMC laboratory-a hmuh chhuah vek an ni a; TrueNAT-PCR leh Rapid Antigen Test (RAT) hmanga swab sample endik zingah hripui vei hmuh a ni lo.

Covid-19 laka fihlîm tawh nimina chhuahtir mi pathumte chu SRH-ZMC aṭanga chhuak pakhat leh Aizawla CCC pahnih aṭanga chhuakte an ni.

Mizorama Covid-19 vei hmuh chhuah tawh chu mi 4,359 an ni a, mipa 3,190 leh hmeichhia 1,169 an ni. Nimin tlai dar 5 thleng khan mi 4,306 (98.78%) chhuahtir an ni tawh a, mi pakua (0.21%) thi tawhin, enkawl mek mi 44 (1.01%) an awm. 

January 26, Thawh­lehni khan ZMC la­boratory-ah swab sa­mple 255, TrueNAT-PCR hmangin district pathumah sample 68 leh RAT hmangin district parukah sample 351 endik a ni a; sample endik zawng zawng chu 674 niin, chu'ng aṭanga Covid-19 vei hmuh chhuah mi pathum chu 0.44% a ni.

Sorkar thuchhuah tarlan danin, Thawhlehnia ZMC laboratory-a RT-PCR hmanga hripui vei hmuh chhuah mi pathumte chu mipa, hnam dang vek an ni a; an zinga pakhat chu tualchhunga hri kái niin, pahnih erawh chu tun hnaia state páwn aṭanga rawn lut an ni.

January 26, 2021 thlenga Mizorama swab sample endik tawh zat chu 2,03,259 a ni a, chu'ng aṭanga Covid-19 positive mi 4,359 chu 2.14% a ni. Hripui vei hmuh tawh zinga mi 2,060 chu Mizoram chhunga kái an ni a, mi 2,299 chu Mizoram páwn aṭanga an rawn luh hnua hmuh chhuah an ni thung.

Durtlang - 2: Mipa kum 26 & 40; Hotel Landmark, Bawngkawna inkhung hrang lai, symptom nei lo ve ve.

Border Security Force - 1: BSF mi leh sa mipa kum 44, symptom a neih vanga SRH-ZMC-a enkawl lai.