MLA-in FOCUS project hawng

East Tuipui bialtu MLA Ramthanmawia chuan nimin khan a bial chhunga Khuanglenga sial vulhtute a tlawh a, FOCUS project hnuaia Thiltengaw leh Sihpuia hmalaknate a hawng.

Ramthanmawia chuan, East Tuipui bial chu sial vulhna tura hmun duhawm a nih thu sawiin, "Ram siamṭhatna leh mipui dinchhuahna tura kawng hawn a ni hi a lawmawm tak zet a ni," a ti a; SEDP chak taka kalpui tum a nih thu sawiin, sial vulhtute chu hlawhtling ngei tura theihtawp chhuah zel turin a chah.