Assam lamin Zophaiah hna an chhunzawm

August 26, 2019-a Kolasib DC Zoengsanga leh Hailakandi DC-te an inbiak ṭumin, Zophaia Mosolman-te'n mosque an sak mekah hna thawh chhunzawm tawh loh turin thu an dah a; mahse, mosque sak hna an thawk chhunzawm zel.

Kolasib DC leh Hailakandi DC-te an inbiak ṭum hian mosque tur sak mek chu an en dun a, hemi ṭum hian mosque ban tur iron rod-te chu tun a ni tawh a, mahse cement, balu leh rora chhûn a la ni lo. Tunah chuan a ban tur chu peih vek a ni tawh. Mosque sak hna hi chhûn lamah chuan an thawk mumal lo a, zing leh zan lamah hna an thawk ṭhin nia thu dawn a ni.

Kolasib DC chuan August 26, Thawhṭannia Hailakandi DC nen Bairabia an inbiaknaah, Bairabi Zo­phai hmunah state pahnihin hma thar lak loh ve ve ni se, tiin thu an dah tih thuthar thehdarhtute a lo hrilh tawh. Kolasib DC sawi danin, Mo­sol­man-te'n mosque an sak chung­­changah chuan state pahnih sorkar inbiakfel turin thu an dah a, inbiak­fel hma chuan mosque chu sak chhunzawm loh tura tih a ni.