CAA-in Mizoram huam lo tur chauha dil a ni lo

ZPM ṭhalai chuan thuchhuah siamin, Mizorama political party leh NGO aiawhte'n Union Home minister Amit Shah hnena an thu thlen chu, 'CAB-in Mizoram huam lo turin' tih ni loin, 'CAB hi Parliament-ah pulut nawn lo turin nawr ni rawh se,' tih a nih thu an tarlang.

ZPM ṭhalai chuan November 29, 2019-a Union Home Minister kohna avanga zuk kalhote khan, Assam House waiting room-ah sawiholawkna hun thawl tak an neih thu tarlangin, "Chuta an sawiho a, an lungrual tlanna angin, CAB hi Parliament-ah pulut nawn lo turin Home Minister chu an ngen a ni," an ti.

Assembly House chhunga private member resolution sawihonaah member ṭhenkhatten, mimal hming sawi a Union Home Minister hnenah CAB-in Mizoram huam lo tur chauha dil niawm taka an sawilang chu thu dik lo a nih a rinawm thu ZPM ṭhalai chuan an sawi.