Heroin phurtute kum 20 táng turin hrem

Heroin hawng 30 (gram 439) phurtu Vansuihmunga (30) leh Lalengliana (29), Myanmar ve vete chu Champhai District Court-a special judge R Vanlalena chuan kum 20 chhung jail-a táng tur leh Rs. 1,00,000 ve ve chawi turin a hrem.

Champhai Police aṭanga thu dawn danin, Vansuihmunga hi Falam, Myanmar aṭangin heroin hawng 30 kengin, Zokhawthar panin an kal a, a heroin ken chu Zokhawthar a luhpui hnuah Melbûkah kalpuiin, Melbûk dái ram­hnuaiah a thukru a ni. Heroin a thuhruk hnuah Vansuihmunga chu Aizawlah a kal a, a thlenna hotel-ah Lalengliana nen an inhmu a ni.

Vansuihmunga hian Lalengliana bike chu Rs. 5,000-a hmansakin, an pahnihin Melbûk dáia heroin a thuhruk chu an la a, Dungtlanga police duty-te'n rinhlelh thil thuah an lo tiding a, heroin hawng 30 an hmu chhuak ta a ni.

Champhai District Court chuan Vansuih­munga leh Lalengliana te thubuaiah hian August 29, 2019 khan thutlukna a siam a; kum 20 chhung jail-a táng tur leh Rs. 1,00,000 ve ve chawi turin a hrem ta a ni.