Mizo ngei nei turin zirlaite an intiam

MZP chuan nimin khan kum danga September 2-a an tih ṭhin angin, 'Mizo zirlaite tan hnam dang nupui/pasal nei lo tura inzirtirna leh intiamkamna ni' an buatsaih a, Aizawla sikul hrang hrangah Mizo zirlaite hnam dang nei lo tura intiamkamna hun an hmanpui.

MZP president L Ramdinliana Renthlei chuan, kawppui atana mahni hnam pui ngei neih chu ram leh hnam humhalhna kawng pawimawh tak a ni tih a sawi a, "Mizote hi hnam tlem leh humhalh ngai kan nih avangin, ram leh hnam humhalh kawngah thîkthu kan tihchhiat telh telh a ngai. Hnam dang nupui pasala neite chu Mizo hnam phatsantu leh ram leilung fate chanvo chuhpui theia hnam dang siamtute an nih avangin, Mizo zirlaite leh ṭhalaite chu Mizo ngei nupui/pasala nei turin kan sawm a ni," a ti.

Hnam dang nupui/pasal nei lo tura inzirtirna leh intiamkamna hun hi MZP chuan kum 2015 aṭangin kum tin September 2-ah an hmang ṭhin a; niminah pawh khan MZP hruaitute'n sikul hrang hrang tlawhin, zirlaite chu Mizo ngei nei tura intiamna an neihpui a ni.