Electors Verification Programme inhrilhfiah

Nimin khan district hrang hrangah district election officer-te'n Special Summary Revision of Electoral Rolls, 2020 kalpuina tura Election Commission of India-in a duan thar Electors Verification Programme chungchang thuthar theh­darhtute an hrilhfiah. Electoral roll ennawn turah January 1, 2020-a kum 18 tling chin thun tur a ni.

Electors Verification Programme (EVP) chung­chang thuthar thehdarhtute hrilhfiahna hi nimin khan Lunglei, Sia­ha, Champhai, Kolasib, Serchhip leh Lawngtlaiahte neih a ni. EVP hi Systematic Voters' Education and Electoral Participation (SVEEP) hmalakna nen kal kawp tur a ni a, September 1, 2019 aṭanga kalpui ṭan niin, September thla chhung a awh dawn. EVP hmang hian voter-te'n ECI pawmpui document kengin electoral roll-a an chuanna enin, a dik lek dik loh an finfiah thei dawn a ni.

EVP hmangin polling station leh voter-te an chenna in thlengin Geo tag tih tum a ni a, voter-te chu EVP hmang ṭangkai thei turin common service centre (CSC), national vo­ters’ service portal (NVSP), voter helpline mobile apps leh ERO office-te pan tura chah an ni.

ECI ruahmanna dan chuan, integrated draft electoral roll chu October 15, 2019-ah tlangzarh tum a ni a, booth level officer (BLO)-te October 15 aṭanga November 30, 2019 thlengin dilna thehluh theih a ni dawn a, January 1-15, 2020 chhungin final electoral roll tlangzarh a ni ang.